Украина Қуролли Кучларининг янги бош қўмондони Россия давлати “яшашга ҳақли эмас” деб ҳисоблайди

Украина Қуролли Кучларининг янги бош қўмондони Драпатий Россия давлати “яшашга ҳақли эмас” деб ҳисоблайди.

Бу унинг 2023 йилда берган, лекин ҳозир эълон қилинган эски интервюсидан иқтибос. Ўша интервюда Драпатийдан Қрим аннекция қилинган ва Украина шарқида жанговар ҳаракатлар бошланган 2014 йилда ҳарбийлар орасида қандай кайфият ҳукм сургани сўралган.

"Биринчи босқичда, очиғини айтсам, балки қандайдир қўрқув бўлгандир. Чунки бу шундай мавҳум ҳолат эдики, энди нима бўлади, қандай бўлади дердик, якунда эса кўриб турибмиз. Биз қўшни деб атай олмайдиганлар, умуман олганда, раҳбарияти билан биргаликда яшашга ҳақли бўлмаган миллатдир. У ерда минг йиллар давомида менталитетда ҳам, империячилик кайфиятига асосланган хулқ-атворда ҳам сивилизацияга хос ҳеч нарса ўзгармаган", — деган УҚКнинг янги бош қўмондони.

Драоатий ўша интервюсида Донецк ва Луганск вилоятларида бутун тарих давомида украинлаштиришга етарлича эътибор қаратилмаганини, шунинг учун у ерда “манқурт аҳоли” қатлами шаклланганини айтган.

Драпатий ушбу ҳудудларда яшовчи маҳаллий аҳоли билан билан мулоқотдан кейин, у ерлардаги кўпчилик одамлар ишлашни эмас, балки текинхўрликни хоҳлайди ва уларга қайси давлатда яшашлари, унинг номи қандай аталиши барибир деган фикрга келганини билдирган.