Бугун 31 август, 2025 йил, якшанба

O'ZB

Украина Олий Радасининг собиқ спикери Андрей Парубий ўлдирилди

Украина Олий Радасининг собиқ спикери Андрей Парубий ўлдирилди

Бу ҳақда “Суспильне”, “Украинская правда” ва “РБК-Украина” нашрлари манбаларга таяниб хабар берди. Кейинчалик Парубийнинг ўлимини Украина президенти Володимир Зеленский ҳам тасдиқлади.

Украина Миллий полициясининг маълум қилишича, Парубийга суиқасд 30 август куни кундузи Лвов шаҳрида амалга оширилган.

Украина матбуотига кўра, сиёсатчига бир неча марта ўқ узилган. Қотилликни амалга оширган шахс етказиб бериш хизмати куръери бўлгани айтилмоқда. У воқеа жойидан дарҳол яширинган.

Андрей Парубий украин давлат ва сиёсат арбоби, хусусан, “Евромайдан воқеалари” ташкилотчиларидан бири сифатида танилган. У 2016-2019 йилларда Украина Олий Радаси раиси лавозимини эгаллаган. 2014 йилда ҳам Парубийга нисбатан суиқасдга уринишлар бўлган, у ўшанда жароҳат олган.

Киритилди: 19:20 30.08.2025. Ўқилди: 1330 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!