Краснодар ўлкаси губернатори Вениамин Кондратевнинг маълум қилишича 24 сентябр куни Украина дронлари Новороссийск шаҳри бўйлаб ҳужумлар уюштирган.
Маҳаллий оммавий ахборот воситаларининг хабар беришича, худди шу вақтда Украина денгиз дронлари Новороссийск портига ҳужум қилган. Новороссийск Россиядаги энг йирик денгиз порти бўлиб, бу ерда халқаро Каспий қувурлар консорциуми (КТК) нефт терминали ҳамда Россия Қуролли кучлари Қора денгиз флоти ҳарбий-денгиз базаси жойлашган.
Краснодар ўлкаси оператив штаби маълумотларига кўра, бугунги ҳужумлар оқибатида икки киши ҳалок бўлган, ўн бир инсон яраланган. Шаҳарда фавқулодда ҳолат режими эълон қилинган. Расмийлар дронлар ҳужумини қайтариш давом этаётганини хабар қилган.
Каспий қувурлари консорциуми (КТК) вакиллари дронлар ҳужуми туфайли компания офиси фаолияти тўхтатилганини маълум қилди. Бинога зарар етган, ходимлар эвакуация қилинган. КТК маълумотларига кўра, уларнинг икки ходими яраланган.
Россия денгиз ва дарё транспорти федерал агентлиги (Росморречфлот) дронлар ҳужумидан кейин Новороссийск порти инфратузилмаси ва кемаларга зарар етмаганини билдирди.
Дрон ҳужумлари хавфи туфайли Краснодар ўлкасининг Геленжик, Туапсе ва Сочи шаҳарларида қирғоқ бўйидаги одамлар эвакуация қилинди, аҳолидан денгизга яқинлашмаслик сўралди.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
