Украина мудофаа кучлари: "Руслар Харьков вилоятидаги аҳоли яшаш пунктидан қувиб чиқарилди"

Украина мудофаа кучлари Харьков вилоятининг Мирное қишлоғини озод қилди. У Купянск яқинида жойлашган.

Бу ҳақда DeepState лойиҳаси харитасидаги янгиланган маълумотлар хабар бермоқда.

Қайд этилишича, руслар ўша позициялардан Купянскгача бўлган автомагистрални назорат қилишлари мумкин эди.

Қишлоқ озод қилингани ҳақидаги маълумотни "Днепр" тезкор-стратегик гуруҳи матбуот котиби Виктор Трегубов ҳам тасдиқлади.

"Ҳозирча руслар Мирноедан қувиб чиқарилди. Ярадорлар ёки ҳалок бўлган россияликлар ҳақида маълумот йўқ", - деди у нашрга берган изоҳида.

Трегубов, шунингдек, украиналик ҳарбийлар "янада олдинга силжишини" таъкидлади.