Украина етакчиси Владимир Зеленский АҚШ президенти Доналд Трампнинг "Украина Россияга қараганда тинчликка камроқ интиляпти" деган сўзларига қўшилмаслигини билдирди. Бу ҳақда у пайшанба куни, 15 январда NATO бош котиби Марк Рютте билан телефон орқали суҳбатидан сўнг эълон қилинган видеомурожаатида айтди.
"Биз Қўшма Штатлар билан дипломатик чоралар ҳақида ҳам гаплашдик. Украина ҳеч қачон тинчликка тўсиқ бўлмаган ва ҳеч қачон бўлмайди", — деди Украина президенти.
Зеленскийнинг сўзларига кўра, Россиянингнинг Украина энергетика инфратузилмасига давом этаётган ҳужумлари Москва тинчликни хоҳламаётганини намоён қилади. "Айнан Россия ракеталари, дронлари ва Москванинг Украинани йўқ қилишга уриниши Россия умуман келишувларга қизиқмаслигининг яққол исботидир", — дея фикр билдирди Зеленский.
Аввалроқ Дональд Трамп Reuters агентлигига берган интервюсида Украина, Россиядан фарқли равишда, “тинчлик келишувига камроқ тайёр” эканини айтган эди. Нега АҚШ раҳбарлигидаги музокаралар тўрт йиллик урушни тугатишга олиб келмагани ҳақидаги саволга Трамп “Зеленский”, деб жавоб берган, аммо тафсилотларга аниқлик киритмаганди.
Афғонистон тезкор тарзда ўз армиясини кучайтиришга қарор қилди
АҚШ Мадурога қарши операция давомида номаълум махфий қуролдан фойдаланган
"Орешник" зарбаси Ғарб учун сигнал бўлди
