Украина FIFA президентининг Россия клубларига қўйилган чекловларни бекор қилиш ва уларни халқаро футболга қайтариш ҳақидаги таклифига кескин муносабат билдирди, деб хабар берди “Страна”
Нашр маълумотларига кўра, Жанни Инфантино Россия футбол жамоаларининг мусобақаларга қайтишини қўллаб-қувватлаган. Унинг фикрича, россиялик футболчиларга нисбатан қўлланилган санкциялар “янада кўпроқ умидсизлик ва нафратни келтириб чиқарган”.
Бироқ Украина томони бу фикрга қатъиян қарши чиқди. Хусусан, Украина ташқи ишлар вазири Андрей Сибига FIFA президентининг баёнотига ижтимоий тармоқларда кескин муносабат билдирди.
"679 нафар украиналик қиз ва ўғил бола энди ҳеч қачон футбол ўйнай олмайди – Россия уларни ўлдирди. Россия буни давом эттирмоқда. Шундай бир пайтда ахлоқий таназзулга юз тутганлар тақиқларни бекор қилишни таклиф қилмоқда. Ҳолбуки, Россия урушни тўхтатгани йўқ", —деди Сибига.
Шунингдек, Украина футбол ассоциацияси (UAF) ҳам расмий баёнот билан чиқиб, FIFA ва Жанни Инфантинони уруш давом этаётган бир вақтда Россия жамоаларини халқаро мусобақалардан четлатиш бўйича мавжуд позицияни ўзгартирмасликка чақирди.
Дурдона Ҳакимованинг жасади ва болалари Ўзбекистонга қайтарилди
Трампнинг икки-тўрт ой умри қолганми?
Саудия Арабистони АҚШнинг Эронга зарба беришидан манфаатдорми?
