"АҚШ президенти Доналд Трампнинг махсус вакили Стив Уиткофф октябр ойида Россия раҳбари Владимир Путиннинг ёрдамчиси Юрий Ушаков билан телефон орқали суҳбат ўтказган. Ушбу суҳбатда Уиткофф Ғазо бўйича келишувга ўхшаш шаклда Украина учун биргаликда тинчлик режаси ишлаб чиқишни таклиф қилган", дея хабар бермоқда нашр.
Bloomberg Уиткофф ва Ушаков ўртасида 14 октябрда бўлиб ўтган беш дақиқалик суҳбат аудиоёзувини тинглашга муваффақ бўлган.
"Уиткофф Ушаковга америкаликлар Ғазо бўйича 20 банддан иборат режа тайёрлаганини айтган ва Украина учун ҳам шунга ўхшаш ҳужжат яратишни таклиф қилган. У Россия расмийсига Путин бу масалани Трамп билан қандай муҳокама қилиши кераклиги бўйича маслаҳатлар берган. Жумладан, Уиткофф Зеленскийнинг шу ҳафта охирига режалаштирилган Оқ уйга ташрифидан олдин АҚШ ва Россия етакчилари ўртасида қўнғироқ ташкил қилишни тавсия қилган", дея ёзмоқда агентлик.
Октябр охирида Уиткофф Маямида Путиннинг яна бир маслаҳатчиси Кирилл Дмитриев билан учрашган. 29 октябрдаги алоҳида суҳбатда эса Дмитриев ва Ушаков тинчлик таклифи бўйича Москва ўз талабларида қанчалик қаттиқ туриши кераклигини муҳокама қилишган. Ушаков эса “максимал” талабларни илгари суриш тарафдори бўлган.
Эронда 61 млн тонналик олтин захираси топилди
АҚШ 2026 йилдан долларнинг янги намуналарини муомалага киритади
Москва суди фақат Ўзбекистон ва Қирғизистон фуқаролари ишга олиниши кўрсатилган эълонларни тақиқлади
