Қозоғистонлик аралаш яккакураш устаси Дияр Нургожай Дана Уайт Даъвогарлар сериясида ғалаба қозониб, UFC билан шартнома имзолаш имкониятини қўлга киритди.
У DWCS турнири доирасида польшалик Бартош Шевчукка қарши октагонга чиқиб, рақибини иккинчи раундда нокаутга учратди. 27 ёшли спортчи яримоғир вазн тоифасида жанг қилади. У Eagle FC Лигасининг собиқ чемпиони ҳисобланади.
Маълумот ўрнида, яримоғир вазн тоифасида ўзбекистонлик UFC жангчиси Богдан Гусков айни пайтда Лига рейтингида 14-ўринни эгаллаб турибди. UFC'даги қозоғистонликлар сони эса 6 нафарга етганини алоҳида таъкидлаш лозим.
