2020 йилги Европа чемпионати формати ўзгартирилиши мумкин.
Манбага кўра, УЕФА коронавирус пандемияси туфайли қитъа чемпионатига мезбонлик қиладиган шаҳарлар рўйхатини қисқартириш ҳақида ўйламоқда. Энг ёмон ҳолатда мусобақа бир мамлакатда 4 стадиондан фойдаланган ҳолда ўтказилади. Бу пандемия даврида ортиқча парвозларни камайтириш мақсадида амалга оширилиши мумкин.
Хабар қилинишича, Арманистон билан тўқнашувда бўлган Боку, шунингдек, Санкт-Петербург УЕФА томонидан рўйхатдан чиқаришга асосий даъвогарлар бўлиб турибди.
Аввалроқ Евро-2020 коронавирус туфайли 2021 йилга қолдирилганди. Турнир Европанинг 12 шаҳрида ўтказилиши режа қилинган эди: Санкт-Петербург, Лондон, Мюнхен, Боку, Рим, Бухарест, Копенҳаген, Амстердам, Бильбао, Глазго, Будапешт ва Дублин.
