УЕФА «Негрейра иши» фонида «Барселона»нинг Чемпионлар лигасидаги тақдирини ҳал қилди

Ўтган мавсум охирида «Реал» УЕФАга «Барселона» устидан шикоят қилиб, «Негрейра иши» бўйича тергов ишлари олиб борилаётгани сабабли Каталония клубини четлатишни талаб қилганди, бироқ бу талаб ҳозирча инобатга олинмаяпти.

Каталония клуби Чемпионлар лигаси иштирокчиларининг дастлабки рўйхатига киритилди. Diario Sport нашрининг фикрича, бу УЕФА испан ҳуқуқ-тартибот идоралари ишга нуқта қўймагунча «Барселона»га нисбатан ҳеч қандай чора кўрмаслигини англатади.

Шу билан бирга, УЕФАнинг ўзи эълон қилинган рўйхат дастлабки характерга эга эканлигини таъкидламоқда. Ташкилот ушбу рўйхат фақат спорт натижалари асосида тузилганини ва ҳозирда давом этаётган интизомий, лицензиялаш ёки бошқа ҳуқуқий жараёнларни инобатга олмаганини аниқлик киритди.