Хитойлик дастурчи Чжан Юнлай ўзининг ноанъанавий турмуш тарзи билан жамоатчиликни лол қолдирди. Тўрт йилдан буён у ўз она шаҳрида тўрт қаватли кенг уйига эга бўлишига қарамай, электромобилида яшаб келмоқда, деб ёзади South China Morning Post нашри.
Уй 400 квадрат метрни ташкил қилади ва Чжан ҳар ҳафта унга ташриф буюради.
Ғайриоддий танловнинг ҳикояси паркга бир саёҳатдан кейин бошланди. Табиатда лагерь тажрибаси дастурчини ҳаётий устуворликларини қайта кўриб чиқишга илҳомлантирди. Илгари у квартирани ижарага олган ва ойига тахминан 340 доллар тўлаган. Аммо электромобиль харид қилган Чжан орқа ўриндиқда матрас ўрнатиш орқали бемалол ухлаши мумкинлигини англаган.
"Электромобиль кондиционер билан жиҳозланган, матрас эса ухлаш учун анча қулай", — дея ўртоқлашди хитойлик IT-мутахассис. Унинг таъкидлашича, бу турмуш тарзи пулни тежаш усули эмас, балки эркинлик ва қулайлик ҳисси билан боғлиқ шахсий танловдир.
Юнлайнинг сўзларига кўра, унинг кунлик харажатлари ҳозирда компания ошхонасидаги овқатланиш ва бошқа харажатларни ўз ичига олган ҳолда тахминан 14 долларни ташкил қилади. "Менга текин квартирани таклиф қилишса ҳам, мен кўчиб ўтмаган бўлардим. Боғдаги муҳит оддий квартирага қараганда анча яхши", - дея қайд этди дастурчи.
Чжаннинг ҳисоб-китобларига кўра, унинг ноанъанавий турмуш тарзи уч йил давомида уни тахминан 14 000 доллар тежаган. Аммо асосийси, у эркинлик ва табиат билан уйғунлик туйғусига эга бўлди, уни шаҳардаги квартираларга алмаштирмайди.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
