Туркияда юз берган кучли зилзила туфайли литосфера плиталари уч метрга силжиди. Бу ҳақда Италия Геофизика ва вулқонология миллий институти (INGV) президенти Карло Дольиони Corriere della Sera газетасига берган интервьюсида маълум қилди.
Фалокатли ҳодиса натижасида Араб плитаси Анадолу плитасига нисбатан жануби-ғарбий йўналишда ҳаракатланди.
Бу минтақа сейсмик “қайноқ нуқта” ҳисобланади, чунки у тўртта узлуксиз тўқнашувчи – Анадолу, Араб, Евроосиё ва Африка плиталари кесишмасида жойлашган.
Дольионининг сўзларига кўра, зилзилалар узоқ давом этадиган “сейсмик эпидемия”нинг бир қисми бўлиб, у ўтмишда баъзи ҳолларда бўлгани каби кунлар, ойлар ва ҳатто йиллар мобайнида давом этиши мумкин, Йиғилган энергия чиқарилмагунча, силкинишлар давом этади, дейилади lenta.ru сайтида.
