Туркияда ҳарбий вертолёт денгизга фавқулодда қўнди

Туркия ҳарбий-денгиз кучларининг вертолёти денгизга фавқулодда қўнишни амалга оширди.

Ҳодиса DENİZKURDU-II/2025 машғулотлари вақтида содир бўлган.

Туркия Миллий Мудофаа вазирлиги ҳарбий SH-70 вертолёти парвоз вақтида техник носозлик юз берганини ва машғулотлар доирасида денгизга фавқулодда қўнишни амалга оширганини маълум қилди.

Экипажнинг тўрт аъзосининг аҳволи барқарор ва уларнинг ҳаёти хавф остида эмас.

DENİZKURDU-II/2025 машқлари давом этмоқда.