Туркия Ғазога юбориш учун 2000 нафар ҳарбийдан иборат бригада тайёрламоқда

Туркия Ғазога юбориш учун 2000 нафар ҳарбийдан иборат бригада тайёрламоқда. Бу ҳақда Middle East Eye хабар берди.

"Исроилнинг қаршилигига қарамай, Анқара ўз ҳарбийларини халқаро барқарорлаштириш кучлари таркибида Ғазога юборишни режалаштирмоқда. Бу бўлинма Туркия армиясининг тажрибали тинчликпарвар аскарларидан ташкил топиши кўзда тутилган", дея ёзмоқда нашр.

Оқ уй ҳали бу борада якуний қарорни қабул қилмаган. БМТнинг ҲАМАСни қуролсизлантиришни ҳам ўз ичига олган резолюцияси эса ҳозиргача тасдиқланмаган.

Middle East Eye'нинг қайд этишича, Туркия ва Миср ўз қўшинларининг иштироки мамлакатларни бевосита можарога тортиб кетишидан хавотирда, Исроил эса Ғазода NATO'нинг кучли аъзосини кўришни истамаяпти.