2026 йил 10 апрель куни Тошкент шаҳрида, Амир Темур меросига бағишланган халқаро илмий конференция доирасида, Туркий маданият ва мерос жамғармаси ҳамда Ўзбекистон Республикаси Президенти ташаббуси билан ташкил этилган Ислом цивилизацияси маркази ўртасида ўзаро англашув меморандуми имзоланди.
Ҳужжат Жамғарма президенти, профессор Актоты Раймкулова ва Ислом цивилизацияси маркази директори Фирдавс Абдухолиқов томонидан имзоланди.
Мазкур меморандум туркий дунё маданий мероси ва ислом цивилизациясини халқаро миқёсда тарғиб қилиш ва оммалаштириш борасида ҳамкорликни мустаҳкамлашга қаратилган.
Томонлар қўшма лойиҳаларни амалга ошириш, жумладан, маданий ва илмий тадбирлар, кўргазмалар ҳамда форумлар ташкил этиш, шунингдек, таълим дастурлари ва илмий-тадқиқот ташаббусларини ривожлантириш бўйича келишиб олдилар.
Ҳужжат, шунингдек, қўшма нашрлар тайёрлаш ва чоп этиш, билим ва тажриба алмашинувини кенгайтириш ҳамда ўзаро манфаатли бошқа ҳамкорлик йўналишларини амалга оширишни ҳам назарда тутади.
Теҳронда Олий раҳбар вафоти муносабати билан катта мотам маросими бўлиб ўтмоқда
Жавоҳир Синдаров ва ижтимоий тармоқларни портлатган сурат
Тадбиркор президентдан 2–3 тонна олтин сўради ва....
