Россияда наркотик моддалар контрабандаси иши бўйича ҳукм қилинган АҚШ элчихонасининг собиқ ходими Марк Фогел маҳбусларни алмашиш иши доирасида Россияни тарк этди. Бу ҳақда Reuters агентлиги Оқ уйга таяниб хабар бермоқда.
The New York Times газетасининг ёзишича, бу музокараларни Оқ уйнинг Яқин Шарқ бўйича махсус вакили Стивен Уиткофф олиб борган.
«Уиткофф Россия ҳаво ҳудудини Марк Фогел билан бирга тарк этмоқда», — деб ёзади АҚШ миллий хавфсизлик бўйича президент маслаҳатчиси Майк Уолц.
Оқ уйнинг маълум қилишича, АҚШ президенти Доналд Трамп, Уиткофф ва президент маслаҳатчилари ушбу алмашинув ғояси бўйича музокаралар ўтказган. «Ушбу ҳаракат русларнинг яхши ниятини намоён этмоқда ва бизнинг Украина можаросини тугатиш йўлида тўғри йўналишда ҳаракат қилаётганимизни кўрсатмоқда», дейилади баёнотда.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
Россия ва Хитой АҚШнинг “Олтин гумбаз” лойиҳасига қарши чиқди
