Доналд Трампнинг вакили Паоло Дзамполли жорий йилнинг ёз ойларида АҚШ, Канада ва Мексикада бўлиб ўтадиган Жаҳон чемпионатида Эрон терма жамоасини Италия билан алмаштириш таклифини илгари сурди. Бу ҳақда Financial Times хабар бермоқда.
Дзамполли ушбу ташаббусни Трамп ва FIFA президенти Жанни Инфантинога юборганини тасдиқлаган. У тўрт карра жаҳон чемпиони бўлган Италиянинг турнирда иштирок этиши адолатли бўлишини таъкидлаган.
Нашрнинг ёзишича, бу режа Трамп ва Италия Бош вазири Жоржия Мелони ўртасидаги сўнгги совуқчиликни бартараф этишга қаратилган сиёсий қадам бўлиши мумкин.
Эслатиб ўтамиз, Италия саралаш босқичида Босния ва Герцеговинадан мағлуб бўлиб, турнир йўлланмасидан маҳрум бўлган эди. Эрон томони эса чемпионатга тўлиқ тайёрлигини ва унда иштирок этиш ниятида эканини аллақачон маълум қилган.
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
Эрон Исроил билан алоқа қилганлиги учун юқори лавозимли амалдорни қатл қилди
“Катта жарималар бўлади”: Солиқ қўмитаси раиси умумий овқатланиш корхоналарини бизнесни бўлмасликка чақирди
