AҚШ президенти Дональд Трампнинг махсус вакили Стивен Виткофф иштирокида ишлаб чиқилган Украинадаги можарони ҳал этиш бўйича тинчлик режаси Европа расмийлари орасида кескин танқидга сабаб бўлди. Бу ҳақда Politico Европа ҳукумат вакиллари баёнотларига таяниб хабар берди.
Нашрга кўра, ЕИнинг юқори лавозимли амалдори норозиликни ифодалаш учун “ранг-баранг қизғин сўзларни” ишлатган, яна бир европалик сиёсатчи эса Виткоффнинг ғояларини камситувчи тарзда баҳолаб, “у психиатрга мурожаат қилиши керак”, деб айтган.
Европа Иttифоқи расмийлари айниқса Трамп режасидаги Европада музлатилган Россия активларини блокдан чиқариш таклифига кескин қарши чиқди. Уларга кўра, Вашингтон бундай қарор қабул қилиш ваколатига эга эмас.
Шу билан бирга, Брюсселда АҚШ ташаббуси Бельгиянинг музлатилган активларни Украинга ўтказишдан бош тортишига салбий таъсир кўрсатиши мумкинлиги борасида хавотирлар бор.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
