The NYT хабар беришича, Federal Reserve Bank of New York томонидан ўтказилган тадқиқот тарифлар билан боғлиқ харажатлар президентнинг аксинча баёнотларига қарамасдан, асосан америкалик компаниялар ва истеъмолчилар зиммасига тушаётганини тасдиқлайди.
Federal Reserve Bank of New York ва Columbia University иқтисодчилари эълон қилган тадқиқотга кўра, 2025 йил ноябрь ҳолатига келиб президент тарифларининг иқтисодий юкининг 90 фоизи америкалик компаниялар ва истеъмолчилар зиммасига тушган. Иқтисодчилар тарифларнинг “инцидентлиги”ни таҳлил қилди — яъни янги импорт солиқлари билан боғлиқ харажатларни якунда ким тўлаётганини аниқлашга уринди.
Товар мамлакатга олиб кирилганда, расмий импортёр — кўпинча америкалик компания — дастлаб тарифни АҚШ ҳукуматига тўлайди.
Бироқ импортёр ушбу харажатларни бошқалар зиммасига юклаши мумкин: мижозлари учун нархларни ошириш ёки етказиб берувчилар билан янада манфаатли шартномаларга эришиш орқали.
Federal Reserve Bank of New York тадқиқотига кўра, 2024 йил январидан 2025 йил ноябригача тариф харажатларининг асосий қисми америкалик компаниялар ва истеъмолчилар зиммасига тўғри келган. 2025 йилнинг илк саккиз ойида эса уларнинг баҳолашича, тариф юкининг 94 фоизи АҚШ ҳиссасига тўғри келган.
Шу тадқиқотчилар аввал ҳам Трампнинг биринчи президентлик муддатида жорий этилган тарифлар таъсирини ўрганиб, 2018–2019 йиллардаги тарифлар тўлиқ равишда америкалик бизнес ва истеъмолчилар зиммасига юкланган, деган хулосага келган.
Эрон Трампнинг Ҳўрмуз бўғозини очиш бўйича ултиматумига жавоб қайтарди
Эрон уламолари Хоманаийдан атом бомба ясашга рухсат беришни сўради
Эрон Ҳўрмуз бўғозининг «калитларини йўқотиб қўйди»
