Трампнинг таҳдидлари ва АҚШнинг Харг оролига берган зарбаларидан сўнг, Эрон Яқин Шарқдаги нефт-газ ва энергетика инфратузилмасини бутунлай йўқ қилиш ҳамда Боб ал-Мандеб бўғозини ёпиш билан таҳдид қилди
"Шу пайтдан бошлаб яхши қўшничилик ва вазминликка оид муайян мулоҳазалар тўхтатилади. Биз Форс кўрфазидаги Қўшма Штатлар ва унинг ҳамкорларига тегишли инфратузилма объектларига қарши шундай ҳаракат қиламизки, улар минтақадаги нефт ва газдан узоқ йиллар давомида маҳрум бўладилар", дея маълум қилди Ислом инқилоби қўриқчилари корпуси.
Эроннинг юқори мартабали мулозими эса матбуотга берган баёнотида, агар АҚШ Эрон электр станцияларига ҳужум қилса, бутун минтақа ва Саудия Арабистони тўлиқ зулматга чўмиши, шунингдек, жаҳон денгиз савдосининг энг муҳим стратегик қон томирларидан бири бўлган Боб ал-Мандеб бўғозининг ёпилиши ҳам эҳтимолдан холи эмаслигини таъкидлади.
Президент Масъуд Пизишкиён 14 миллион эронлик армияга қўшилишга тайёрлигини билдирганини эълон қилди.
"Айни пайтда 14 миллиондан ортиқ жасур эронликлар юртимизни ҳимоя қилиш учун ўз жонларини фидо қилишга тайёр эканликларини билдиришди. Мен ҳам Эрон учун жонимни фидо қилишга тайёр бўлганман, тайёрман ва бундан кейин ҳам шундай бўлиб қоламан", — деб ёзди Пизишкиён Х ижтимоий тармоғида.
Эрон Трампнинг Ҳўрмуз бўғозини очиш бўйича ултиматумига жавоб қайтарди
Эрон уламолари Хоманаийдан атом бомба ясашга рухсат беришни сўради
Эрон Ҳўрмуз бўғозининг «калитларини йўқотиб қўйди»
