Трампнинг таклифи: Қайси давлат қандай қурол юборади?

Трампнинг таклифи асосида Украинага қурол етказиб беришда қайси давлат қандай қурол юбориши масаласида ҳали ҳам келишувга эришилгани йўқ, деб хабар бермоқда Reuters

Агентлик манбаларининг айтишича, Европа давлатлари Трампнинг мавжуд қуролларни Украинага юбориш ва бунинг ўрнига Вашингтондан янги қуролларни харид қилиш режасидан илк бор АҚШ президентининг матбуот анжуманидаги чиқиши чоғида хабардор бўлган.

"Энди эса энг мураккаб масала қолмоқда, яъни ким ўзининг қимматбаҳо тизимларидан, жумладан Patriot'дан воз кечишга тайёрлигини аниқлаш лозим. Чунки Трамп фақат умумий режани таклиф қилган, аниқ ҳаракатлар дастури эса ҳали йўқ. Етказиб беришларни Германияда жойлашган NATO'нинг Украинани қуроллантириш дастури орқали мувофиқлаштириш режалаштирилган", дея ёзмоқда Reuters.

Германия, Норвегия, Дания, Нидерландия, Швеция, Буюк Британия, Канада ва Финляндия ушбу ташаббусда иштирок этишга ваъда берган.

Агентликнинг юқори мартабали манбасига кўра, Германия, Греция, Нидерландия ва Испания Patriot батареясини Украинага юбориш бўйича мақбул номзодлар саналади.

Манбаларнинг қўшимча қилишича, АҚШ Украинага нафақт мудофаа, балки ҳужумкор қуролларни ҳам юборишга тайёр.