Трампнинг таҳдидларидан сўнг БРИКС ўз валютасини режалаштирмаётганини маълум қилди.
АҚШнинг сайланган президенти Доналд Трамп БРИКСга аъзо давлатлар ўз умумий валютасини яратадиган бўлсалар, уларга нисбатан божлар жорий этиш билан таҳдид қилганидан сўнг, Жанубий Африка ҳукумати уюшманинг бундай режалари йўқлигини маълум қилди, деб ёзади Bloomberg.
«Сўнгги пайтларда нотўғри маълумотлар БРИКС янги валюта яратишни режалаштираётгани ҳақидаги ёлғон ҳикоянинг пайдо бўлишига олиб келди. Аммо бу ундай эмас», — дейди агентлик Жанубий Африка ташқи ишлар вазирлиги баёнотидан иқтибос келтирган ҳолда.
Қайд этилишича, БРИКС мамлакатлари ўртасидаги муҳокамада асосий эътибор миллий валюталардан фойдаланган ҳолда савдога қаратилган.
Куни кеча Доналд Трамп агар БРИКС долларга муқобил йўл топиб, ўз валютасини яратишга ҳаракат қилса, Қўшма Штатлар ассоциация мамлакатларига 100 фоизлик бож жорий этишини айтди.
Эркинжон Турдимовнинг янги иш жойи маълум бўлди
Жанубий Корея қирувчилари Россия ва Хитой ҳарбий самолётларига қарши
Полша Украина можаросида Россия ғалаба қозонганини эълон қилди
