Трампнинг АҚШда фавқулодда ҳолат жорий этиш режаси ҳақида маълум бўлди

Американинг сайланган етакчиси Доналд Трампнинг жамоаси ноқонуний миграцияга қарши курашиш мақсадида АҚШда фавқулодда ҳолат эълон қилишни тайёрламоқда . Бу ҳақда Политиcо манбаларга таяниб хабар берди .

“Трамп жамоаси фавқулодда ҳолат эълон қилишга тайёрланмоқда. Бу бўлажак президентнинг чегараларни қўриқлаш ва миллионлаб ноқонуний муҳожирларни депортация қилиш ҳақидаги ваъдасини бажариш учун қўшимча ваколат ва ресурсларни тақдим этишга қаратилган қадамдир”, — дейилади материалда.

Нашрнинг ёзишича, янги сайланган президент жамоаси АҚШ фуқаролигини туғма ҳуқуққа эга бўлиш ҳуқуқини бекор қилиш ҳақидаги фармонни ҳам тайёрламоқда. Бироқ, материал муаллифларининг таъкидлашича, Американинг янги маъмурияти "мумкин бўлган ҳуқуқий муаммо, шунингдек, Республикачилар партияси аъзоларининг ушбу масала бўйича ноаниқ фикрлари туфайли бу қадамни кечиктириши мумкин ".