Трампга қарши иш олиб борган прокурор Жек Смитга нисбатан тергов бошланди

Дональд Трампга қарши жиноий иш олиб борган собиқ прокурор Жек Смитга нисбатан текширув бошланди. Бу ҳақда Deutsche Welle хабар берди.

Тергов ташаббускори республикачи сенатор Том Коттон ҳисобланади. У Смитни 2024 йилги президентлик сайловлари натижасига таъсир ўтказишга уринишда айблаган. Тергов федерал ходимларининг сиёсий мақсадларда лавозимидан фойдаланишни тақиқловчи Hatch Act (Хетч акти) қонунининг эҳтимолий бузилиши билан боғлиқ.

Июль ойида амалдаги президент Дональд Трампга қарши жиноий ва маъмурий ишлар олиб борган АҚШ Адлия вазирлигининг 20 дан ортиқ ходими ишдан бўшатилганди. Улар махсус прокурор Жек Смит билан биргаликда Трампга қарши иккита иш — махфий ҳужжатларни ноқонуний сақлаш ва 2020 йилги сайлов натижаларини бекор қилишга уриниш бўйича иш олиб борган.