АҚШ Конгресси Вакиллар палатасининг Демократик партиясидан ўндан ортиқ аъзоси Дональд Трамп маъмуриятига Фаластин давлатини тан олишни сўраб мурожаат қилди.
Бу ҳақда Axios нашри хабар берди.
Порталга кўра, бу ташаббус Ғазо секторида кучайган гуманитар инқирозга жавоб бўлган. Мактубни имзолаганлардан бири, техаслик конгрессмен Ал Грин Конгрессга Фаластиннинг давлатчилик ҳуқуқини қўллаб-қувватловчи резолюция киритишни режалаштирмоқда.
Трамп ва давлат котиби Марко Рубиога йўлланган мактубда қонунчилар Франция президенти Эммануэль Макроннинг Фаластинни тан олиш ҳақидаги ваъдасига ишора қилмоқда.
"Бу фожиали лаҳза Фаластиннинг ўз тақдирини ўзи белгилаш ҳуқуқини тан олиш зарурлигини таъкидлади. Биз АҚШни ҳам шундай қилишга чақирамиз", — дейилади баёнотда.
АҚШ "тарвузи қўлтиғидан тушиб кетди": Туркиянинг рухсатисиз Қора денгизга ядровий сув ости кемаларини жойлаштира олмайди
Илон Маск барча мамлакатларни Европа Иттифоқини тарк этишга чақирди
Ер томон учаётган юлдузлараро объект ўзга сайёралик кема бўлиши мумкин
