АҚШ "тарвузи қўлтиғидан тушиб кетди": Туркиянинг рухсатисиз Қора денгизга ядровий сув ости кемаларини жойлаштира олмайди

Қўшма Штатлар, Монтрё конвенциясига мувофиқ, агар Қора денгизда ядровий сув ости кемаларини жойлаштирса, Туркиядан рухсат олиши керак.

Бу ҳақда Türkiye нашри Туркия нашри халқаро ҳуқуқ бўйича экспертларга таяниб ёзди.

1 август куни АҚШ президенти Дональд Трамп Россия Хавфсизлик кенгаши раиси ўринбосари Дмитрий Медведевнинг "ўта провокацион" баёнотларидан сўнг "тегишли ҳудудлар"га иккита ядровий сув ости кемасини юбориш буйруғини берганини айтди. Кейинчалик унинг аниқлик киритишича, у "тегишли ҳудудлар"га юборган атом сув ости кемалари энди Россияга яқинроқ.

"Агар Қўшма Штатлар Қора денгизда атом сув ости кемаларини жойлаштирмоқчи бўлса Монтрё конвенциясига мувофиқ Туркиядан рухсат олиши керак”, деб ёзади нашр.

Халқаро ҳуқуқ бўйича эксперт Ҳакки Ҳакан Эркинер таъкидлаганидек, ушбу конвенция ҳарбий кемаларнинг Қора денгизга киришини ва уларнинг минтақада қолиш муддатини чекловчи хавфсизлик режимини назарда тутади. Шунингдек, у Қора денгизда ядровий сув ости кемаларининг доимий бўлишини ҳам санксия қилмайди.

"Мен Туркиянинг бундай рухсат беришига мутлақо ишонмайман", деди Эркинер.

Эслатиб ўтамиз, Россиянинг Украинага кенг кўламли бостириб кириши бошланганидан бери Туркия Монтрё конвенцияси томонидан берилган ваколатлардан фойдаланган ва ҳарбий кемаларнинг ўз бўғозларидан ўтишини тақиқлаган эди.