Бу ҳақда Украина президенти АҚШ етакчиси билан бўлган телефон суҳбатидан сўнг Telegram каналида маълум қилди.
"18 август куни АҚШ пойтахтига ташриф буюриб, президент Трамп билан “қотилликларни тўхтатиш, урушни тугатиш бўйича барча тафсилотларни” муҳокама қиламиз. АҚШ президенти менга Аляскадаги саммит якунлари ҳақида маълумот берди", — деб ёзди Украина президенти.
Зеленскийнинг айтишича, Трамп билан унинг мазмунли яккама-якка суҳбати тахминан бир соат давом этган, сўнг суҳбатга Европа етакчилари ҳам қўшилган.
"Биз президент Трампнинг Украина-Америка-Россия уч томонлама учрашуви ҳақидаги таклифини қўллаб-қувватлаймиз. Асосий масалалар давлат раҳбарлари даражасида муҳокама қилиниши мумкин ва бу учун уч томонлама формат мос келади", — деди Украина президенти.
У, шунингдек, Киевнинг Европадаги ҳамкорлари ҳам кейинги музокара жараёнида қатнашиши муҳимлигини алоҳида таъкидлади.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
