«Мен Доналд Трамп билан уни Республикачилар партиясидан президентликка номзод сифатида кўрсатилгани билан табриклаш ва Пенсилваниядаги даҳшатли суиқасдни қоралаш учун гаплашдим. Мен унга куч ва келажакда мутлақ хавфсизлик тиладим», деди Украина президенти Владимир Зеленский ижтимоий тармоқларда.
«Биз президент Трамп билан шахсий учрашувда қандай қадамлар дунёни адолатли ва чинакам мустаҳкам қилиши мумкинлигини муҳокама қилишга келишиб олдик», деб ёзди Зеленский Х ижтимоий тармоғида (уни собиқ президент эмас, президент деб атаган).
Доналд Трамп Украина президенти Владимир Зеленский билан телефон мулоқоти ҳақидаги маълумотни тасдиқлаб, суҳбатни «жуда яхши» деб атади: “У (Зеленский) мени Республикачилар миллий қурултойи жуда муваффақиятли ўтгани ва Республикачилар партиясидан АҚШ президентлигига номзод сифатида кўрсатилганим билан табриклади«.
Шунингдек, у президент Зеленскийга мурожаат қилгани учун миннатдорлигини таъкидлади.
"Чунки мен Сизнинг кейинги Америка қўшма Штатлари президентингиз сифатида бутун дунёга тинчлик олиб келаман ва кўп одамларнинг ҳаётига зомин бўлган ва сон-саноқсиз бегуноҳ оилаларни вайрон қилган урушни тугатаман. Иккала томон ҳам бирлашиб, зўравонликни тугатадиган ва фаровонликка йўл очадиган битим тузишлари мумкин", дея қўшимча қилди Трамп.