АҚШ президенти Дональд Трамп якшанба куни Фаластиннинг ХАМАС ҳаракатига "якуний огоҳлантириш" бериб, уни Ғазода тинчлик келишуви бўйича Америка шартларини қабул қилишга чақирди.
Америкалик етакчи тегишли нашрни ўзининг Truth Social ижтимоий тармоғида жойлаштирди.
"Ҳамма гаровга олинганларнинг уйларига қайтишини хоҳлайди. Ҳамма бу уруш тугашини истайди! Исроилликлар менинг шартларимни қабул қилишди. ХАМАС учун ҳам уларни қабул қилиш вақти келди. Мен ХАМАСни рад этиш оқибатларидан огоҳлантирдим. Бу менинг охирги огоҳлантиришим, бошқа ҳеч нарса бўлмайди!" Трамп ёзган.
Аввалроқ Аxios нашри журналисти Барак Равид Трамп ХАМАСга Ғазо секторида кенг қамровли ўт очишни тўхтатиш бўйича янги таклифни тақдим этгани ҳақида хабар берган эди.
