Трамп Венесуэла яқинига еттита ҳарбий кема юборди – Axios

АҚШ ҳарбий-денгиз кучлари еттита кемани “наркотрафикка қарши кенгайтирилган операция” доирасида Кариб денгизининг жанубий қисмига, яъни Венесуэла соҳиллари яқинига юборган, дея ёзмоқда нашр Пентагондаги манбаларига таяниб.

Аxios манбаларига кўра, кемаларнинг сони еттита бўлиб, уларнинг орасида Tomahawk ракеталари билан жиҳозланган 3 та эсминец, Ticonderoga синфидаги крейсер ва зарба берувчи сув ости кемаси бор. Операцияда тахминан 4,5 минг ҳарбий хизматчи, жумладан 2,2 минг денгиз пиёдалари иштирок этади.

"Қўшма Штатларнинг Кариб ҳавзасидаги операциясига расмий сабаб сифатида наркокартелларга қарши кураш кўрсатилган, бироқ бу кўпроқ Венесуэла президенти Николас Мадурони ҳокимиятдан четлатишга тайёргарликка ўхшайди", дейилади Ахios хабарида.