Трамп ва Лев XIV Time’нинг 2026 йилги энг нуфузли инсонлари рўйхатига киритилди

Time 2026 йилнинг энг нуфузли 100 кишиси рўйхатини эълон қилди.

Нашрга кўра, рўйхат олти тоифадан иборат бўлиб, улар қаторида етакчилар, инноваторлар, машҳурлар, титанлар, кашфиётчилар ва санъаткорлар бор.

Бу йил “етакчилар” бўлимига Дональд Трамп ҳамда Папа Лев XIV киритилди.

Шунингдек, рўйхатдан Марко Рубио, Стив Уиткофф, Биньямин Нетаньяҳу, Си Цзиньпин, Марк Карни ва Метте Фредериксен ҳам жой олган.

“Титанлар” бўлимига Бен Стиллер, Ральф Лорен, Сундар Пичай каби шахслар киритилган.

Time бош муҳаррири Сэм Жейкобснинг айтишича, рўйхат дунёга таъсир кўрсатаётган воқеалар ва уларни шакллантираётган инсонларни акс эттиради.