АҚШ президенти Дональд Трамп Украина президенти Владимир Зеленский билан Оқ уйда бўлиб ўтган музокараларни “жуда қизиқарли ва дўстона” деб таърифлади. Бу ҳақда у TruthSocial ижтимоий платформасида маълум қилди.
“Украина президенти Владимир Зеленский билан учрашувим жуда қизиқарли ва дўстона бўлди. Бироқ мен унга, аввалроқ президент Владимир Путинга айтганимдек, қотилликни тўхтатиш ва келишувга эришиш вақти келганини айтдим”, — деб ёзди Трамп.
АҚШ президентининг таъкидлашича, урушда аллақачон етарлича қон тўкилган ва чегаралар “уруш ёки жасорат билан эмас, тинчлик билан белгиланиши керак”.
“Улар турган жойларида тўхташлари лозим. Иккала томон ҳам ғалабани эълон қилсин — тарих ўзи баҳолайди! Энди ўқ отилмасин, ўлимлар ва беисоб чиқимлар бўлмасин. Бу уруш мен президент бўлган пайтда ҳеч қачон бошланмаган бўларди. Ҳар ҳафта минглаб одамлар ҳалок бўлмоқда — етар! Оилаларингизга тинчлик билан қайтинглар!” — дея чақириқ қилди Трамп.
Эслатиб ўтамиз, Украина президенти Владимир Зеленский 17 октябр куни АҚШ президенти Дональд Трамп билан Оқ уйда учрашган эди.
Дунёдаги энг қашшоқ давлатлар
Покистонда «келинлар бозори» борлигини биласизми?
Дунёнинг энг қиммат автомобиль брендлари номи маълум бўлди
