АҚШ ва Эрон ўртасида навбатдаги зарбалар алмашинуви Яқин Шарқдаги вазият яна кескинлашаётганини кўрсатмоқда. Бу воқеалар АҚШ президенти Доналдь Трампнинг Теҳрон билан яқин орада келишувга эришиш мумкинлиги ҳақидаги баёнотлари фонида содир бўлди.
BBC рус хизматига берган интервьюсида эроншунос Никита Смагин сўнгги воқеаларни кенг кўламли урушнинг янги босқичи сифатида эмас, балки томонлар ўртасида мунтазам тус олган “зарба ва жавоб зарбаси” амалиётининг давоми сифатида баҳолади.
Унинг таъкидлашича, расман сулҳ сақланиб турган бўлса-да, АҚШ ва Эрон ўртасидаги қарама-қаршилик амалда давом этмоқда. Сўнгги ойларда томонлар бир неча марта ҳарбий ва иқтисодий босим чораларини қўллаган.
Смагиннинг фикрича, ҳозирги кескинлик аввалги йирик тўқнашувлар даражасига етмаган. Бироқ Теҳрон зарур деб ҳисоблаганда вазиятни кескинлаштиришга тайёр эканини намоён қилмоқда.
Таҳлилчига кўра, Эрон минтақадаги асосий иттифоқчиларидан бири бўлган Ҳизбуллоҳни қўллаб-қувватлаш орқали ўз таъсир доирасини сақлаб қолишга уринмоқда. Шу билан бирга, Вашингтон ва Теҳрон ўртасида тўлиқ дипломатик келишувга эришилгани ҳақида гапириш ҳозирча эрта.
Эксперт хулосасига кўра, майдондаги воқеалар томонлар ўртасидаги қарама-қаршилик ҳали тугамаганини кўрсатмоқда. Трамп тинчлик ва келишув ҳақида гапираётган бўлса-да, минтақадаги ҳарбий фаоллик аксинча, можаро ҳали ҳам хавфли босқичда қолмоқда.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Куба фуқароларга қурол тарқатишни бошлади
