Трамп Цзиньпин билан гаплашганидан кейин Токиони вазминликка чақирди

АҚШ президенти Дональд Трамп Япония бош вазири Санаэ Такаити билан телефон мулоқоти чоғида унга Тайван ҳақида Хитойнинг салбий муносабатига сабаб бўлиши мумкин бўлган баёнотлар бермасликни маслаҳат берди.

Бу ҳақда The Wall Street Journal (WSJ) хабар бермоқда.

Манбаларга кўра, АҚШ раҳбари Япония бош вазири "Пекинни провокация қилишдан" қочиши керак, деб ҳисоблайди. Газетанинг қайд этишича, Трамп бу тавсияларни мулойим оҳангда берган ва Такаитидан аввалги баёнотларини қайтаришни талаб қилмаган. АҚШ президенти Япония бош вазири билан суҳбатидан олдин Хитой раҳбари Си Сциньпин билан телефон орқали мулоқот қилди, деб ёзади газета.

Такаитининг Тайван яқинида юзага келиши мумкин бўлган ҳарбий инқироз Токиони ўзининг "жамоавий ўзини-ўзи ҳимоя қилиш ҳуқуқи"дан фойдаланишга мажбурлаши мумкин бўлган "экзистенциал таҳдид”ни келтириб чиқариши ҳақида парламентдаги сўнгги баёноти Пекинда қаттиқ норозилик уйғотди ва икки давлат ўртасидаги муносабатларнинг сезиларли даражада ёмонлашишига олиб келди. Шу фонда Хитой Ташқи ишлар вазирлиги ватандошларини Японияга саёҳат қилишдан огоҳлантирди. Бундан ташқари, Давлат Кенгашининг Тайван ишлари бўйича бошқармаси матбуот котиби Пэн Цинъэнь Япония Бош вазири орол ҳақидаги сўнгги изоҳлари учун Тайван халқидан кечирим сўраши кераклигини айтди.