АҚШ президенти Доналд Трамп BBC компаниясини унга нисбатан “ёлғон, туҳмат, ҳақоратли ва ғазаб уйғотувчи баёнотлар” берганликда айблаб, 1 миллиард долларгача зарар ундириш учун судга беришини билдирди, дея хабар бермоқда телеканал.
Fox News'га кўра, Трампнинг ҳуқуқшунослари BBC'дан уч нарсани талаб қилган: Panorama номли ҳужжатли филмни эфирдан олиб ташлаш, ҳодиса учун расман кечирим сўраш ва 1 миллиард доллар миқдорида товон тўлаш. Трампнинг адвокати BBC 14 ноябргача талабларни бажармаса, АҚШнинг Флорида штатида суд иши очилишини маълум қилган.
Аввалроқ The Daily Telegraph нашри BBC 2024 йил октябр ойида эфирга узатган Panorama дастурида Трампнинг 2021 йил 6 январда айтган нутқини таҳрир қилиб, тарафдорларини Конгрессни босиб олишга чақиргандек кўрсатган.
Аслида эса Трамп ўша нутқида фуқароларга тинч йўл билан ўз фикрини билдириш зарурлигини айтган эди. Филмда эса нутқ парчалари кесилиб, Конгресс биносига юриб бораётган одамлар тасвирлари билан бирлаштирилган, бу эса томошабинда Трамп уларни ҳаракатга ундагандек таассурот қолдирган.
Мазкур можаро ортидан BBC бош директори Тим Дэйви ва янгиликлар бўлими раҳбари Дебора Тернесс истеъфога чиққан. BBC'нинг эгаси Самир Шоҳ эса бу таҳрир “хато қарор” бўлганини тан олган ва жамоатчиликдан узр сўраганди.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
