Трамп: "Шу нуқтада уруш тугаган деб ҳисобланади"

АҚШ президенти Дональд Трамп Исроил ва Эрон яқин соатларда тўлиқ ўт очишни тўхтатишга келишиб олганини айтди.

Америка етакчиси бу ҳақда Truth Social нашрида ёзган.

"Исроил ва Эрон 12 соатга тўлиқ ўт очишни тўхтатишга келишиб олдилар (тахминан 6 соатдан кейин, Исроил ва Эрон жорий ва якуний амалиётларини якунлагач!), шу нуқтада уруш тугаган деб ҳисобланади", - дея таъкидлади Трамп.

Унга кўра, Эрон биринчи навбатда, "12-соатда" ўт очишни тўхтатади, шундан сўнг Исроил ҳам шундай қилади.

"24-соатда дунё йиллар давомида давом этиши ва бутун Яқин Шарқни вайрон қилиши мумкин бўлган 12 кунлик уруш тугашини нишонлайди", - дея қўшимча қилди у.