Reuters агентлигининг манбаларига кўра, ушбу гуруҳ жорий йилнинг баҳорида иш бошлаган. Унинг таркибига АҚШ Давлат департаменти, Молия вазирлиги, Мудофаа вазирлиги ва разведка идоралари вакиллари кирган. Гуруҳ фаолияти АҚШ Миллий хавфсизлик кенгаши ходимлари томонидан мувофиқлаштирилган.
"Ёзга келиб Трамп маъмурияти Россия билан қарама-қаршиликни кучайтиришга қизиқмаслиги аён бўлган. Гуруҳ фаолиятига якун ясаган асосий омил Миллий хавфсизлик кенгаши таркибидаги Украинага доир масалалар билан шуғулланган бутун жамоанинг ишдан бўшатилиши бўлган. Бу кенг кўламли кадрларни тозалаш доирасида амалга оширилган", дея ёзмоқда Reuters.
Гуруҳ аъзолари Россияга маҳсулотлар оқимини чеклаш ва ундан энергия ташувчилар экспортини сусайтириш мақсадида собиқ Совет Иттифоқи республикалари, Шарқий Европа ва Осиёдаги бошқа давлатларга босим ўтказиш вариантларини муҳокама қилган. Таклифлар иқтисодий битимлардан тортиб, махфий операцияларгача бўлган чораларни ўз ичига олган.
Таҳлилчиларнинг фикрича, гуруҳ фаолиятининг тугатилиши АҚШнинг Европадаги иттифоқчилари орасида Вашингтоннинг Украинани қўллаб-қувватлаш масаласидаги қатъияти борасида хавотирларни кучайтириши мумкин.
Даҳшат! Эрон биринчи марта замонавий вертикал ракеталардан фойдаланмоқда
Иcроил «Қизил тўй» операцияси доирасида 12 дақиқа ичида Эроннинг ҳарбий раҳбарларини йўқ қилди
"Эрон бу урушда ёлғиз эмас..."
