Трамп Россияга ҳам, Украинага ҳам босим ўтказмоқда

АҚШ президенти Доналд Трамп агар Москва Украина бўйича тинчлик музокараларини кечиктирса, Россия нефтига иккиламчи божлар жорий этиш билан таҳдид қилди. Шу билан бирга, Америка етакчиси украиналик ҳамкасби Владимир Зеленскийга нодир ер минералларини қазиб олиш бўйича келишувни имзолашдан бош тортса , “катта муаммолар” билан таҳдид қилган .

“Агар биз Россия билан Украинадаги қон тўкилишини тўхтатиш бўйича келишувга эриша олмасак ва бу Россиянинг айби деб ўйласам – ва бўлмаслиги ҳам мумкин – лекин Россиянинг айби деб ўйласам, нефтга, Россиядан келадиган барча нефтга иккиламчи божлар киритаман”, деди Трамп NBC News телеканалига.

Америка президенти Украинага нисбатан қаттиққўл гапирди: “У ноёб ер минераллари тўғрисидаги келишувдан чиқишга ҳаракат қилмоқда, агар шундай бўлса, унда муаммолар, катта, катта муаммолар бўлади”.

Трамп, шунингдек, Украинанинг НАТОга аъзо бўлиш эҳтимолини қатъиян рад этди: "У НАТОга аъзо бўлишни хоҳлайди, лекин ҳеч қачон НАТОга аъзо бўлмайди. У буни тушунади".

Америка раҳбари Путиндан Украина ҳақидаги сўнгги баёнотлари, хусусан, мамлакатда “вақтинчалик бошқарув”ни жорий этиш ва президентлик сайловларини ўтказиш таклифи туфайли ғазабланганини тан олди. "Маълум маънода ҳафсаламиз пир бўлди. Унинг сўнгги бир-икки кун ичида Зеленский ҳақида айтган баъзи гаплари... У сизга ёқадими ёки йўқми, у билан келишиб олиши керак эди. "Демак, бу менга ёқмади", деди АҚШ президенти.

ОАВ маълумотларига кўра, АҚШ Киевга янгиланган келишув лойиҳасини тақдим этган бўлиб, у Украинанинг барча фойдали қазилма конлари устидан АҚШнинг деярли тўлиқ назоратини Киев учун хавфсизлик кафолатларисиз ўз ичига олади. Зеленскийнинг айтишича, ҳужжатда томонлар илгари рад этган фикрлар бор ва Украина Америка томонидан берилган ёрдамни қарз сифатида тан олишга тайёр эмас.

Трамп Москва ва Киев ўртасидаги келишув учун “психологик муддат”ни ҳам тилга олди, бироқ аниқ муддатни айтмади.