АҚШ президенти Дональд Трамп Киев ва Москва Россия-Украина урушини тугатиш бўйича келишувга эришишга жуда яқин эканини айтди.
Трамп бу ҳақда 27 ноябрь куни Шукроналик куни арафасида Оқ уйда ўтказилган маросимдаги чиқиши чоғида айтиб ўтган.
"Бу осон эмас. Лекин билмайман, мен у ерга етамиз деб ўйлайман. Ўйлайманки, келишувга жуда яқинмиз. Биз буни билиб оламиз. У ерга тезроқ етиб оламиз деб ўйлагандим", - дея қўшимча қилди Трамп.
Эслатиб ўтамиз, Россия ва Украина ўртасидаги можарони ҳал қилиш бўйича Вашингтон таклиф қилган дастлабки тинчлик режаси 28 банддан иборат эди. Бироқ Украина томони билан кейинги музокаралар чоғида тинчлик режаси сезиларли даражада ўзгартирилди ва Киев манфаатларини ҳисобга олган ҳолда 19 бандга қисқартирилди.
Украина Миллий хавфсизлик ва мудофаа кенгаши котиби Рустем Умеров 25 ноябрь куни Киев ва Вашингтон Женевада муҳокама қилинган келишувнинг асосий шартлари бўйича умумий келишувга эришганини маълум қилди.
Ўзбекистонликлар ва туркманистонликларнинг қаршилигига қарамай Роғун ГЕС қурилиши давом этади
Каспий денгизи иккига ажралиши мумкин
Жиззахда Lacetti ва юк машинаси иштирокидаги "авария"да 5 киши ҳалок бўлди
