АҚШ президенти Дональд Трамп маъмурияти 2026 йил 12 мартгача кемаларга юкланган Россия нефти ва нефть маҳсулотларини қонуний сотиш имконини берувчи санкцияларнинг вақтинчалик юмшатилишини узайтирмади. Бу ҳақда Bloomberg хабар берди.
Шу тариқа Россия нефтига қўйилган санкциялар 11 апрелдан қайта тикланди. Юмшатиш чоралари Яқин Шарқдаги уруш бошланганидан кейин энергетика бозорларидаги вазият кескин ёмонлашиши фонида жорий этилган эди. Эроннинг Ҳўрмуз бўғозини ёпиши жаҳон нефть экспортининг кунига тахминан 13 миллион баррелга қисқаришига ва бир баррел нархи 100 доллардан ошишига олиб келди.
The New York Times нашрининг аниқлик киритишича, Эрон нефтини сотишга берилган қисқа муддатли рухсатнома муддати 19 апрелда тугайди. АҚШ Молия вазирлиги унинг амал қилиш муддатини узайтирмоқчи эмас.
Россия Яқин Шарқдаги урушдан миллиардлаб доллар ишлаб топди.
Халқаро энергетика агентлигининг (ХЕА) ойлик ҳисоботига кўра, Россиянинг нефть ва нефть маҳсулотлари экспортидан олган даромади 2026 йил март ойида 19 миллиард долларгача кўтарилди. Таққослаш учун бу февраль ойидагидан 9,3 миллиардга ва 2025 йилнинг мартига нисбатан 4,8 миллиард долларга кўпдир.
Самарқандда 1956 йилда туғилган фуқаро яшаш уйида вафот этганлиги ҳолати юзасидан прокуратура текширув олиб бормоқда
Лионель Месси Каталония клубини сотиб олди
АҚШ Эронга ядровий қурол ишлаб чиқаришдан сўзсиз воз кечиш эвазига бошқа имкониятни таклиф қилмоқда
