Трамп Путинга янги ультиматум қўйди

АҚШ президенти Дональд Трамп Владимир Путиндан Украинага қарши урушни тўхтатишни талаб қилиб, бунга икки ҳафта муҳлат берди.

🗣 «Менимча, икки ҳафта ичида Россия ва Украина муносабатларини тушуниб етаман. Агар уруш тўхтамаса, жуда муҳим қарор қабул қиламан», — деди Трамп журналистлар саволларига жавоб бериб.

CNN хабар беришича, Трамп Путин ва Зеленскийнинг тўғридан-тўғри учрашувини зарур деб ҳисобламоқда. Унинг фикрича, айнан шу учрашув можарони тўхтатиши мумкин.

«Учрашув бўладими — курайлик. Агар бўлмаса, нега? Ахир мен бу учрашув бўлиши керак дедим», — дея таъкидлади Трамп.

Агар учрашув амалга ошмаса, у ким айбдорлигини аниқлашини билдирди: «Мен биламан, нима қилиш керак».

Бу баёнотлар тинчлик жараёни тўхтаб қолган, Кремл эса Путин ва Зеленский учрашувини режалаштирмаётгани ҳақида баёнот берган бир пайтда янгради.

Трамп Путин билан Аляскада, Зеленский билан эса Оқ уйда учрашганини эслаб ўтди ва зарурат бўлса, ўзи учрашувда иштирок этиши мумкинлигини билдирди:
🗣 «Мен улар учрашишини истадим. Мен ҳам иштирок этишим мумкин. Кимлардир бундан фойда чиқмайди, дейишяпти. Балки шундайдир, балки йўқ. Лекин одамлар ўлиб қоляпти».