АҚШ президенти Дональд Трамп 15 август куни Аляскада Россия президенти Владимир Путин билан саммит ўтказиш учун йўлга чиқди. Ушбу учрашувда вице-президент Жей Ди Вэнс иштирок этмайди. Бу ҳақда Оқ уй расман маълум қилди.
Air Force One бортида Трампни қуйидаги амалдорлар ҳамроҳлик қилмоқда: давлат котиби Марко Рубио, молия вазири Скотт Бессент, савдо вазири Говард Латник, махсус элчи Стив Уиткофф, матбуот котиби Кэролайн Левитт ва Марказий разведка бошқармаси (ЦРУ) директори Жон Рэтклифф.
Саммитнинг асосий мавзуси — Украинадаги урушни тўхтатиш бўйича келишувга эришиш. Трамп учрашувдан сўнг биринчи бўлиб Украина президенти Владимир Зеленскийга қўнғироқ қилишини маълум қилган. Шунингдек, у Европа Иттифоқи давлат раҳбарлари билан ҳам алоқага чиқишни режалаштирган.
Елисей саройи маълумотларига кўра, Трамп-Путин учрашувидан кейин Зеленский Франция президенти Эммануэль Макрон билан учрашади. Европа Иттифоқи давлатлари Украина иштирокисиз ўтаётган тинчлик музокараларидан норозилик билдирмоқда. Улар Киевнинг иштироки, айниқса урушга доир қарорларда, ҳал қилувчи аҳамиятга эга эканини таъкидламоқда.
Трампнинг мазкур ташрифи ва вице-президент Вэнснинг унга ҳамроҳлик қилмагани сиёсий таҳлилчилар томонидан эҳтиёткорлик билан кузатилмоқда. Бу ҳолат АҚШ ташқи сиёсатининг янги босқичга ўтаётганидан далолат бериши мумкин.
Қаршида 150 нафар йўловчили самолёт ғойиб бўлди
Хитойликлар аёл ўрнини боса оладиган робот ихтиро қилди
Машҳур овчи уч метрли лаққа тутди
