Трамп: "Путин билан учрашувда одамларнинг ҳаётини сақлаб қолишга ҳаракат қиламан"

АҚШ президенти Дональд Трамп Россия етакчиси Владимир Путин билан Аляскада бўлажак учрашуви Москва ва Вашингтон учун муҳим бўлишини айтди.

Бу ҳақда у Оқ уйда журналистлар саволларига жавоб бериш чоғида айтиб ўтди.

"Учрашувимизда нима бўлишини кўрамиз. Бу катта учрашув бўлади, ўйлайманки, бу Россия учун жуда муҳим бўлади, бу биз учун ҳам жуда муҳим. Бу биз учун фақат кўп одамларнинг ҳаётини сақлаб қолишимиз маъносида муҳим”, - деди Трамп.

Шу билан бирга, Америка раҳбари дастлаб Россиянинг Аляскада ноёб ер минералларини қазиб олиш таклифи эҳтимоли ҳақидаги саволга жавоб беришдан бош тортди. Яна сўрашганида, “бу мутлақо аҳамиятсиз”, деди. "Мен одамларнинг ҳаётини сақлаб қолишга ҳаракат қиламан", деди у.