Трамп Путин билан телефон мулоқоти чоғида Украинага ҳарбий ёрдам масаласи муҳокама қилинмаганини маълум қилди

АҚШ президентининг сўзларига кўра, улар деярли икки соат давомида мулоқот қилган ва кўплаб мавзуларни муҳокама қилган, бироқ бу масала кўтарилмаган.

"Путин Украина энергетика инфратузилмасига зарбаларни вақтинча тўхтатишга рози бўлган, аммо Трамп тинчликка эришиш йўлидаги биринчи қадам деб ҳисоблаётган 30 кунлик тўлиқ сулҳ ғоясини рад этган", дея хабар беради Fox News.

Кремл эса можарога барҳам беришнинг асосий шарти сифатида Киевга хорижий ҳарбий ёрдамни тўхтатиш кераклигини таъкидлади.