Трамп Миллий хавфсизлик раҳбарини ишдан бўшатди

АҚШ президенти Дональд Трамп Тимоти Хогни Миллий хавфсизлик агентлиги директори лавозимидан озод қилди.

Бу ҳақда The Washington Post газетаси хабар бермоқда.

"АҚШнинг икки амалдаги ва бир собиқ амалдорига кўра, пайшанба куни Миллий хавфсизлик агентлиги директори ишдан бўшатилди. Расмийларга кўра, АҚШ Киберқўмондонлигини ҳам бошқарган генерал Тимоти Хог ва МХАдаги фуқаролик ўринбосари Венди Нобл билан бирга ишдан бўшатилди" - деб ёзади газета.

Нашрнинг хабар беришича, Нобл мудофаа вазирининг разведка бўйича ўринбосари кабинетига ўтказилган.

Киберқўмондонликдаги ишдан бўшатилган Хогнинг ўринбосари бўлган генерал-лейтенант Уильям Хартман МХА муваққат директори лавозимига тайинланди, деб хабар беради The Washington Post.