Трамп Маск билан ярашадими?

АҚШ президенти Доналд Трамп Илон Маск билан муносабатларни тиклаш режаси йўқлигини айтди ва ниҳоят дўстлик тугади . Американинг икки энг қудратли шахси ўртасидаги зиддият Маск Трампнинг янги солиқ қонунини кескин танқид қилиб , Конгрессга ўтказиладиган оралиқ сайловларда демократларни қўллаб-қувватлаши мумкинлигини айтганидан кейин кучайди.

Шанба куни NBS телеканалига телефон орқали берган интервюсида Трамп Маск билан муносабатларини “туган” деб ҳисоблаганини айтди. Оқ уй раҳбарининг айтишича, тадбиркор "президентлик идорасига ҳурмацизлик қилган" ва мумкин бўлган ярашув ҳақидаги саволга "йўқ" деб жавоб берган.
Трамп, шунингдек, Маскни республикачиларга қарши чиққан номзодларни молиялашга қарор қилса, “жиддий оқибатлар” ҳақида огоҳлантирди. Трамп нимани назарда тутганига аниқлик киритмади. Маск бу баёнотга ҳозирча изоҳ бермади. У аввалроқ Трамп ҳақидаги бир қатор танқидий постларни, жумладан, президентнинг Жеффри Эпштейн билан алоқалари борлиги ҳақидаги даъволарни ўчириб ташлаган.

Сўнгги ойларда икки ўртада кескинлик кучайган. Иккала томон маслаҳатчиларининг сўзларига кўра, баъзи Трaмп инсайдерлари муросага чақириш орқали можарони бартараф этишга ҳаракат қилмоқда. Аммо бошқалар, асосан Марко Рубио тарафдорлари, Маскнинг, айниқса, маъмурият сиёсатини танқид қилиш ва ижтимоий тармоқлардаги кескин изоҳлари билан ҳаддан ташқари узоққа кетганига ишонишади.

Трампнинг 2024 йилги кампаниясининг ашаддий тарафдори бўлган ва ҳукумат ислоҳотида иштирок этган Тesla ва Х бош директори сўнгги ҳафталарда ўз компанияларига эътибор қаратди. Шунга қарамай, унинг очиқ баёнотлари ва ишбилармон доиралардаги таъсири, айниқса республикачи сайловчилар ва донорлар орасида муҳимлигича қолмоқда.

Вице-президент Ж.Д.Вэнс пайшанба куни подкастда нутқ сўзлаб, муросага умид билдирди. У Маскни иқтидорли тадбиркор сифатида мақтаб, “Агар Илон бироз совиб қолса, ҳаммаси жойига тушишини” таъкидлади. Аммо у Эпштейн иши бўйича Маскнинг даъволарини ҳам кескин рад этди ва уларни асоссиз деб атади.

Трамп ва Маск ўртасидаги муносабатлар тарихан ўзгарувчан бўлиб, ҳамкорликдан тортиб то аччиқ можарогача бўлган. Трамп аввалроқ Маскнинг компаниялари, жумладан SpaceX билан федерал шартномаларни бекор қилиш ҳақида гапирган эди. Аммо ўтган ҳафта у буни фақат "ўзи учун адолатли ва мамлакат учун адолатли" бўлса, буни ўйлаб кўришини айтди.