Трамп маъмурияти Оқ уйдаги таъмирлашга ҳомийлик қилганларнинг айримларини исмини яширган — The Wall Street Journal

"Оқ уйнинг қайта қурилиши доирасида бинонинг шарқий қаноти бузиб ташланган, аммо бу лойиҳа ҳомийларининг бир қисмини исми сир сақланган. Уларнинг баъзилари Доналд Трамп маъмурияти билан ишбилармонлик алоқаларига эга ёки унинг қарорларидан фойда кўриши мумкин", деб ёзади газета.

Бир ҳафта аввал Оқ уйни қайта қуриш учун маблағ хайрия қилган донорлар рўйхатини эълон қилган эди. Улар орасида Apple, Meta, Amazon Google каби йирик компаниялар, шунингдек, айрим хусусий шахслар ва оилавий жамғармалар бор.

"Умумий рўйхатда 37 та ном келтирилган, бироқ журналистларнинг аниқлашича, у тўлиқ эмас. Айрим донорлар ўз исмлари ёки компания номларининг рўйхатда кўрсатилмаслигини афзал кўрган", дейилади WSJ хабарида.