АҚШ президенти Дональд Трамп Россия ташқи ишлар вазири Сергей Лавровнинг Украина президенти Владимир Зеленский Украина келишуви бўйича ҳужжатлар имзоланиши мумкин бўлган қонуний шахс эмаслиги ҳақидаги сўзларига кескин муносабат билдирди.
Оқ уйда АҚШ маъмуриятининг вазирлар маҳкамаси йиғилишида журналистлар АҚШ етакчисининг махсус вакили Стив Уиткоффдан Лавровнинг баёнотига изоҳ беришни сўрашган. Уиткофф ўрнига Трампнинг ўзи саволга жавоб берди.
"Стив жавоб бериши мумкин эди, лекин мен ҳам жавоб бера оламан. Улар нима дейишлари муҳим эмас. Ҳаммаси бемаънилик", - деди у.
Американинг NBC телеканалига берган интервьюсида Лавров Россия Зеленскийни Украинанинг қонуний президенти деб ҳисобламаслигини айтиб, уни "де-факто режим раҳбари" деб атади.
Эслатиб ўтамиз, Владимир Зеленский 2019 йилда Украина президенти этиб сайланган ва у ўша йилнинг 20 май куни лавозимига киришган. Давлат раҳбари беш йиллик муддатга сайланади, сайловлар 2024 йилнинг март ойида бўлиб ўтиши керак эди. Бироқ Украина қонунчилигига кўра, мамлакатда ҳарбий ҳолат даврида, хусусан, президентлик сайловларини ўтказиш тақиқланади.
2022 йилнинг 24 февралидан бошлаб мамлакатда ҳарбий ҳолат амал қилади, Рада ҳар уч ойда бир марта узайтиради.
Жаҳонгир Позилжанов, Озодбек Назарбеков, Дилшод Мусабековлар унвон ва орденлар билан тақдирланди
Кейинги 5 йил ичида бошланиши мумкин бўлган 5 та уруш
Ҳиндистон ташқи ишлар вазири Ғарбни "агар ёқмаса" нефтни сотиб олмасликка чақирди
