Трамп жамоасидаги "бош меъмор" аниқланди

Bloomberg хабар беришича, февраль ойида АҚШ Оқ уйи Маъмурий-бюджет бошқармаси (ОМБ) раҳбари этиб тайинланган Рассел Воут, президент Доналд Трампдан кейин Вашингтондаги энг таъсирли шахс бўлиши мумкин.

Агентлик ёзишича, уни бундай қиладиган нарса "садоқат ва ҳукумат аслида қандай ишлашини билишнинг ноёб уйғунлиги"дир.

Агентлик таъкидлашича, Воут яна Трамп учун Инжил каби аҳамиятли бўлган АҚШ федерал ҳукуматини ислоҳ қилиш бўйича деярли 1000 саҳифали "Лойиҳа-2025" маърузасининг ҳаммуаллифи сифатида ҳам танилган. Унга қарашли Америка янгиланиш маркази (Cентер фор Renewing America) таҳлилий маркази кўплаб ҳужжатлар тайёрлаган бўлиб, уларда АҚШнинг Гренландия устидан назорат ўрнатиши, кенг кўламли божлар жорий этилиши ва республикачининг бошқа ғоялари қўллаб-қувватланган.

"Лойиҳа-2025" доирасида, хусусан, АҚШ Халқ таълими вазирлигининг ёпилиши тилга олинди. Ҳужжатнинг ўзи Пентагоннинг миллий хавфсизлик бўйича вақтинчалик қўлланмасида келтирилган.

Bloomberg мақоласида айтилишича, Воутнинг мафкураси марказида унитар ижро ҳокимияти назарияси ётади, танқидчиларнинг сўзларига кўра, бу Трамп хоҳлаган нарсасини қилиш учун кенг эркинликка эга бўлиши керак деган далилга айланади.