Трамп Истанбулга ҳам боришини истисно этмаяпти

АҚШ президенти Доналд Трамп Зеленский ва Путин ўртасидаги учрашув учун Туркия пойтахтига бориш ёки йўқлигини кўриб чиқаётганини айтди:

"Шахсий учрашувни мен туриб олдим. Улардан бири "Биз сулҳ истаймиз" деди, иккинчиси "сулҳ истамаймиз" деди. Мен: "Эшитинг, буни ҳозир тўхтатишимиз керак. Учрашувга боринг, учрашув ташкил этилди. Пайшанба кунги учрашувга боринг." Агар мен бу фойдали бўлишига қарор қилсам - ўша пайтда қаерда бўлишимни билмайман, Яқин Шарқда бирор жойда бўламан - агар менинг мавжудлигим фойдали бўлади деб ўйласам, учрашувга учиб кетардим. [...] Мен иккала давлат раҳбари ҳам у eрда бўлишига ишонаман".

Шу тариқа Трамп Путинга Истанбулдаги учрашувда шахсан иштирок этишини тасдиқлаш учун босим ўтказмоқда (Зеленский аллақачон рози бўлган). Бу Кремл учун қийин вазият. Россия ҳам, Украина ҳам АҚШ президенти Доналд Трампни ўз томонига тортишга ва музокараларнинг муваффақияцизлигида иккинчисини айблашга интилмоқда. Путиннинг Истанбулга келишдан бош тортиши бу ишни амалга оширишга тўсқинлик қилиши мумкин. Трамп икки давлат раҳбарларининг учрашувини ниҳоятда муҳим деб билишини айтди:

Пайшанба куни Туркияда Россия ва Украина ўртасида бўлиб ўтадиган учрашувда яхши натижани кўришимиз мумкин, деб ўйлайман”.

Зеленский дарҳол Х-да Трампни қўллаб-қувватлади:

"Мен Туркияда бўламан. Умид қиламанки, руслар бу учрашувдан қочмайди. Ва, албатта, Украинадаги барчамиз, агар Туркиядаги ушбу учрашувда Президент Трамп ҳам қатнашган бўлса, жуда миннатдор бўлардик. Бу тўғри фикр".

Бу Вашингтонга аниқ сигнал: қаранг, биз мулоқотга тайёрмиз, бу биз ҳақимизда эмас. Бу ҳаракат иш берадими ёки йўқми, бу ҳафта воқеалари кўрсатади.